Sumampir kumel ing pundhake
Wanita aking, umun umun Ngindit rinjing
Isi sapu sada lan godong jati .
Magita gita gage tekan ora ketungka awan
Pijer tuhu ing gawean iku.
Minangka bhekti marang Gusti
Ngupaya sangune urip nyukupi pangan lan sandange.
Slendang kawung kang suwek pinggire
Wis ma tahun ngancani lan mbarengi ngudi,
Mrih mulyaning gesang, ora mung ngathong njagake
Pawehe liyan. Tulus tindake sanajan adoh lakune.
Wanita aking sumampir slendang ing pundhake,
Kaumpama srikandhi budhal palagan,
Ora giguh ing gumerlaping jagad.
Tansah tuhu lan setiya laki,
Ora dodolan kang wadi.
Wanita aking sumampir slendang kawung ing pundhake
Wanita perkasa tan ana ati cidra, lan dursila.
Kukuh lan waspada tetep tuhu ngabdi marang Kang Maha kuasa
Bibir Mahakam, 2010
(ilustrasi tunzaenzogeneration/ yuk ke bagian bawah blog dan klik setiap iklannya untuk informasi berharga dan mencerahkan)
Comments
Post a Comment